उमरखेड तालुक्यातील हप्ते घेऊन अवैध रेति माफियानां परवाना देणारा अधिकारी कोण?
ढाणकी प्रतिनिधी :
उमरखेड तालुक्यातील गांजेगाव पैनगंगा नदी पात्रातून दिवस रात्र मोठ्या प्रमाणात अवैध वाळू चोरी जोमात चालते . यावर नियंत्रण करण्याची जबाबदारी तलाठ्यापासून तहसीलदार, उपविभागीय अधिकारी, खनिकर्म अधिकारी व पोलीस प्रशासन या सर्वांची असते.
वाळूच्या अवैध वाहतूक, होत असताना मग यात आपल्या कर्तव्यात कोण कसूर करत आहे हे तरी तपासले जाणार आहे का ?वाळू उपशावर बंदी असूनही गांजेगाव पैनगंगा नदी पात्रातून खुल्ले आम पध्दतीने वाळूउपसा आणि वाहतूक सुरू आहे. अवैध वाळू रोखण्याच्या नावाखाली महसूल व पोलीस विभागाकडून हप्तेखोरी होऊ लागल्याची चर्चा नागरिकांत आहे.
विशेष म्हणजे वाळू चोरट्यानी आपले हप्ते बांधले असून वाळू चोरी सोईस्कर होण्यासाठी पिकअप गाडीचा वापर करत असल्याची माहिती आहे. तसेच हप्ते न देणाऱ्याला टार्गेट करत कार्यवाई करून हप्ते बांधल्याची चर्चा आहे.
विशेष म्हणजे ज्यांच्याकडून हप्ते मिळत आहे . अश्या वाहन धारकांना वाळू चोरी साठी छुट दिल्याची सुद्धा गावात चर्चा आहे. वाळू चोरांवर अध्याप कार्यवाई सुन्यच असून ढाणकी गावातून रोज खुल्ले आम अवैध वाळूचे पिकअप आणि ट्रकटर चालतात. या कामात गाढवावरून नदी पात्रातून वाळू काढून ढीग ते ढीग लावल्या जात आहे . पत्रकाराना या बाबत सविस्तर माहिती मिळते. मात्र जनतेच्या सेवेत रुजू असलेले अधिकारी कर्मचारी यांना ही माहिती मिळत नाही का ? हे आश्चर्य मानले जाते. तालुक्यातील गांजेगाव पैनगंगा नदी पात्रातून कोणाच्या आशीर्वादाने खुल्ले आम वाळू चालू आहे.हे शोध घेण्याचा विषय असून ज्या अधिकाऱ्यांनी हप्ते घेऊन वाळू चोरीची परवानगी दिली आहे अश्यावर कायम नोकरी बडतर्फ करण्याचे कार्यवाही करण्याची मागणी नागरिक करत आहे.