अखेर महागांव तालुक्यातील डोंगरगांव येथील उर्दू शाळेला गावकऱ्यांनी ठोकले कुलूप.
महागाव तालुक्यातील शेवटच्या टोकावर वसलेले डोंगरगाव या ठिकाणी उर्दू शाळा गेल्या अनेक दिवसापासून शिक्षकच उपलब्ध नसल्याने विद्यार्थ्याचे शैक्षणिक दृष्ट्या नुकसान होत आहे. यासाठी डोंगरगाव येथील शाळा व्यवस्थापन समिती द्वारा दि.०३/०७/२०२३ रोजी महागाव तहसील प्रशासन, तथा गटविकास अधिकारी व शिक्षणाधिकारी यांना लेखी निवेदन दिले होते.आज पर्यंत आठवडा उलटून गेला तरी गटशिक्षणाधिकाऱ्याद्वारे या गंभीर बाबीकडे दुर्लक्ष झाल्याने अखेर आज डोंगरगाव ग्रामस्थांच्या वतीने शाळेच्या दरवाजाला कुलूप लावून शाळा बंद ठेवण्याचा निर्णय झाला.
यापूर्वी डोंगरगाव येथील पालक वर्गमार्फत एक लेखी निवेदन सादर करण्यात आले होते. होते.
परंतु आज पर्यंत नऊ दिवसाचा कालावधी होऊन या शाळेला शिक्षकच दिल्या गेला नाही. विद्यार्थ्याचे शैक्षणिक सत्र सुरू बरेच दिवस झाले. शाळेमध्ये विद्यार्थी आहेत, शिक्षकच नसल्याने विद्यार्थ्यांनी या शाळेत ज्ञानार्जन तरी कसे होईल. त्यामुळे संतप्त गावकऱ्यांनी निषेध म्हणून शाळेला दरवाजा बंद कुलूप लावण्याचा निर्णय दिनांक आज१२/०७/२०२३ रोजी घेतला आहे. एकीकडे शासनाने शिक्षण सक्तीचे केलेले असताना या ठिकाणी शिक्षकच मिळत नसल्याने पालक वर्ग कमालीसा हताश झाला आहे. लोकप्रतिनिधी ही या उर्दू शाळेकरिता शिक्षक मिळवून देण्याकरिता उदासीन दिसत आहेत. येत्या दोन दिवसात दिनांक १४/०७/२०२३ रोजी संतप्त गावकरी पालक वर्ग आपल्या मुलांना शिक्षण घेण्याकरिता गट शिक्षणाधिकारी कार्यालयातच वर्ग खोली मागून त्या ठिकाणी शिक्षकाची मागणी करण्यासाठी बैठा सत्याग्रह करणार असल्याचे यावेळी गावकऱ्यांनी आमचे प्रतिनिधी लतिफ शेख यांच्याशी संवाद साधताना स्पष्ट केले. मा. तहसीलदार तथा तालुका दंडाधिकारी यांना डोंगरगाव येथे उर्दू शाळेकरीता शिक्षक मागणीचे साकडे घातले जाणार आहे. या ठिकाणी उर्दू शाळेमध्ये इयत्ता पहिली ते आठवी पर्यंत उर्दू भाषेचे ज्ञानार्जन करण्यासाठी जवळपास १२९ एवढी विद्यार्थी संख्या आहे. त्याचबरोबर इयत्ता पहिली ते पाचवी पर्यंत ८३ विद्यार्थी संख्या उपलब्ध आहे. इयत्ता पहिली ते पाचवी करिता एकच शिक्षक उपलब्ध आहे. परंतु आज रोजी तेही शिक्षक आजारी असल्याने अर्जित रजा असल्याने विद्यार्थ्यांना ज्ञानरजणाकरिता एकही शिक्षक आज मीतीला या शाळेकरीता नसल्याने गोरगरीब मुस्लिम विद्यार्थ्यांची शैक्षणिक नुकसान होत आहे. महागाव पंचायत समिती विभागात काळी दौलतखान या ठिकाणी १३७ विद्यार्थ्याकरिता एकूण सहा शिक्षक उपलब्ध आहेत. महागाव शहरातील उर्दू शाळेमध्ये ९४ विद्यार्थी संख्या असून या ठिकाणी चार शिक्षक कार्यरत आहेत. परंतु डोंगरगाव या ठिकाणी आज एकही शिक्षक उपलब्ध नाही. त्यामुळे अनेक विद्यार्थ्यांचे भवितव्य अंधकारमय होऊ नये, या याकरिता शिक्षक मिळाल्याशिवाय आपल्या विद्यार्थ्यांना घेऊन पालक गावी न जाण्याच्या ठाम निर्णयावर आहेत.
महागाव तालुका विशेष प्रतिनिधी: लतिफ शेख
